Yougens APROSIFA ak telesant Mobil la pap janm bliyew.

Yougens te tonbe anba bal asasen jou ki te dimanch 9 oktob la.

Li te etidyan fakilte syans imen. Li te komedyen tou.

Production: Accès-Médias

AVI

GWOUP MEDIALTERNATF

Nan tèt kole

 Ak

 APROSIFA

AP òganize yon seyans pwojeksyon fim dokimantè “Goudougoudou”, Pieter Van Ecke ak Fabrizio Scapin fèk reyalize.

Aktivite sa a ap fèt jou kap mèkredi 5 otòb la a 6 zè nan aswè anba tonèl APROSIFA.

Se premye fwa Ayisyen ap wè fim sa a ki fèt sou tranbleman tè 12 janvye a an Ayiti.

De reyalizatè yo ap la. N ap gen posibilite koze ak yo.

Nou konte sou prezans tout moun k ap viv nan Kafoufèy. Fè pawòl la mache.

Harry Jean

Prise de vue a APROSIFA ,le 28/09/11

Prise de vue a APROSIFA,le 28/09/11

Kotem gad

Kotem gad

Kote tras zwazo
fe souple?
kote rel lanme
rive souple?

Zegwi lanme deranje
Bo zon lwes
Fil rev yo kase
tout fe yon sel bo

Prentan ale fe wout li
se je soley,se levantay
ki fem we sa

Priye ak kantik
Pral fe fet

deye chak pwen final
Se zetwal
ki gen migren

Deye chak pwen itrema
se fanm ansent
kap bay lavi

Tanbou kreve
nan pla men chante
lesperans gaye nan kwen
Popye lanati
Let ak chif kreve Nan sevo plimeyank.


Ecrit par       :Alexis Claudy
Le                 :28/09/11

e-mail           :alexisclaudy64@yahoo.fr                 

AYITI

Depi 1804 nou te libere
Men ak lespri egoyis nou toujou an chene
Nou  chita la n ap tann lot moun pou nou delivre
Nou bliye si se men  nan men pou n mache pou n fe inite

Tout sak kap di Ayiti pap peri
Se menm yo menm nan kap maniganse pou li mouri
Yo fe konplo pou Ayiti pa janm avanse
Epi se yo menm kap preche fratenite

O!a la bel bagay si Ayiti ta pwogrese
Gen jistis,edikasyon,sekirite ak sante
Tout pitit li yo tap rel
Ayiti nou renmenw anpil!nou pap kitew tonbe!

Ecrit par:Crepin Olodreche
le           :27/09/11
email      :coldreche@yahoo.fr
tel           :31949318